Glósur - lykill að meiri kunnáttu og skilningi á lesefni - í vinnu eða námi...

Glósuvenjur... markmið

• ...Erum við að lesa okkur til skemmtunar?
  
  • - þá þurfum við ekki að hugsa um glósur
• ...Erum við að lesa eitthvað fyrir skólann?
  
  • - þá er mjög mikilvægt að við glósum og skráum hjá okkur aðalatriði og lykilorð.
• ...Erum við að lesa vinnugögn og bækur eða rit er tengjast vinnu?
  
  • - þá er ekki endilega nauðsynlegt að glósa ...en það er nauðsynlegt að merkja við í texta þannig að við festum betur þessa lykilpunkta, lykilatriði í sessi.

Hugarkort eru mjög markviss leið að festa glósur, minnisatriði í sessi - t.d. með því að nota iMindMap í tölvunni

Sjá kynningu á hugarkortum frá hugmyndasmið hugarkortanna - Tony Buzan

Glósur eru í raun nauðsynlegur þáttur í að fá...

...hugann okkar til að festa upplýsingar í huga. Lestur er í eðli sínu mjög óvirk athöfn og við þurfum virka athöfn til að læra.

Virk athöfn er t.d. að vinna verkefni, taka próf, svara spurningum, glósa, umræður, leiðbeina öðrum eru allt athafnir sem virkja hugann okkar að takast á við námsefnið og læra það, festa það í sessi.

Lesturinn einn og sér gerir þetta ekki. Við þurfum að beita fleiri leiðum en bara þessari óvirku athöfn að lesa....

• -verðum að merkja við lykilatriði
• -verðum að glósa þau á blað
• -verðum að hafa spurningar sem hægt er að finna svör við
• -verkefni sem hægt er að vinna
• -spjalla við samnemendur
• -leiðbeina samnemendum í vandræðum
• -lesa yfir glósur eftir viku – eftir mánuð

Þetta festir síðan efnið svo rækilega í sessi...

...að við búum nú yfir dýpri þekkingu en fæst með því að lesa bara efnið yfir. Nám felst í langflestum tilfellum í öllum þessum atriðum og því mikilvægt að við nýtum okkur það. Gerum verkefnin, sinnum glósunum og virkjum okkur í lestrinum með því að merkja við og spyrja út efnið.