Hvað lærir þú á hraðlestrarnámskeiði?

“Ég bætti lestrarhraða minn heilmikið, bæði í þyngri og léttari texta. Þá náði ég enn betri tökum á að draga aðalatriði fram í texta.” - Sigríður Valdimarsdóttir, 41 ára kennari.

Á hraðlestrarnámskeiðinu lærir þú ekki bara að margfalda lestrarhraða þinn. Lestur þinn verður mun markvissari og

einbeittari. Hugur þinn nær mun betur að halda einbeitingu í öllu lesefni og er sérstaklega tekið á því hvernig við getum undirbúið okkur fyrir þungan texta.

Það að geta tileinkað sér fljótt og vel þau atriði, sem máli skipta, hvort heldur þau eru í kennslubók, skýrslu, fagtímariti, dagblaði eða öðru lesefni, getur skipt sköpum fyrir þig. Þessi möguleiki mun opnast þér við góða ástundun á námskeiðinu. Einnig munu aukin afköst skapa þér ný tækifæri í námi og vinnu. Því er óhætt að segja að hraðlestrarnámskeið veiti þér forgjöf sem nýtist í öllum þáttum lífs þíns.

“Fyrir námskeiðið vildi ég aðeins bæta lestrarhraðann. En það sem kom mér mest á óvart var að ekki eingöngu les ég hraðar, heldur allt öðruvísi. Ég les með betri skilningi og kann mun betur að vinna úr efninu eftir lestur sem hefur í för með sér margfalt meiri skilning.” - Inger, 24 ára Sjúkraliði og nemi.