Hérna má finna vangaveltur skólastjóra Hraðlestrarskólans um hraðlestur, nám, bækur og ýmislegt sem tengist lestri almennt.
|
|
11 einföld ráð til að takast á við handbækur eða sjálfshjálpar-bækur |
 |
 |
 |
|
Skrifað af: Jón Vigfús Bjarnason
|
|
Þriðjudagur, 10. ágúst 2010 00:00 |
11 einföld ráð til að takast á við handbækur eða sjálfshjálpar-bækur
 Það sem að einkennir helst lestur á handbókum og sjálfshjálparbókum – eða svonefndum “Non-fiction” bókum almennt – er það að lestur þeirra er jafnan bundinn ákveðinni neyð eða nauðsyn. Við erum að leita svara. Þess vegna lesum við slíkt efni ekki eins og skáldsögu - þar sem við byrjum á fyrstu síðu og endum á þeirri síðustu. Það má frekar líkja því við að lesa námsbók en munurinn er þó jafnvel töluverður þar líka. Lestur námsbóka er sjaldan bundinn neyð – nema þá þeirri einföldu neyð að ná prófum.
Við lesum handbækur til þess að finna svar við vandamáli sem er að trufla okkur eða gera okkur erfitt fyrir. Þetta gæti verið vandamál í vinnunni, heima fyrir, ástundun vegna áhugamáls eða tómstunda – eða í raun hvað sem er. Það er hægt að nálgast gríðarlegt magn bóka í dag sem að fjalla um í raun - hvaðeina sem okkur hugnast – hvað sem okkur vantar.
Í stað þess að við förum og reynum að finna upp hjólið á ný – þá leitum við svara hjá fólki sem hefur leyst þetta sama vandamál hjá sér. Sjáum hvað þau hafa gert og reynum að tileinka okkur lausn þeirra – okkur til hagsbóta. Lærum af reynslu annarra.
Þess vegna er mjög gott að hafa þessi 11 einföldu skref í huga þegar þú ert að leita svara við vandamálinu sem er að trufla þig.
-
Hafðu skýra mynd af því hvaða vandamál þú þarft að leysa
-
Hafðu skýra mynd af því hvernig það myndi hjálpa þér að finna svarið
-
Finndu bókina sem þú telur hafa svarið
-
Skoðaðu efnisyfirlit
-
Finndu kaflann eða kaflana sem fjalla um efnið
-
Forlestu fyrstu og síðustu blaðsíður þess kafla
-
Nýttu 5 mínútur til að skanna efni kaflans
-
Merktu með blýanti við atriði sem þú telur hjálpa þér
-
Lestu kaflann í gegn með góðum skilningi – með markmiðið í huga
-
Leitaðu svara við vandamálinu þínu
-
Notaðu upplýsingarnar til að leysa vandamálið strax
|
|
Síðast uppfært: Þriðjudagur, 10. ágúst 2010 23:40 |
|
Nánar...
|
|
|
Aftur í nám - Námsvenjur uppfærðar og skrefin sem við getum tekið til að auðvelda okkur skólagönguna |
|
|
|
|
Skrifað af: Jón Vigfús Bjarnason
|
|
Fimmtudagur, 22. júlí 2010 00:00 |
Aftur í nám - Námsvenjur uppfærðar og skrefin sem við getum tekið til að auðvelda okkur skólagönguna
Það skiptir engu máli hvort stutt er síðan að þú varst í námi og ert jafnvel að hefja aftur nám núna eftir sumarfrí eða ef það er langt síðan, jafnvel 5-10 ár eða lengur, síðan að þú sast á skólabekk  síðast, það sem skiptir þig máli er að hafa í huga hve mikið góðar og markvissar námsvenjur og skýrari námstækni mun auðvelda þér vinnu í náminu á hverjum degi.
En ég þarf eflaust ekki að segja þér það. Ef þú ert meðal þeirra nemenda sem hafa sýnt námskeiðum Hraðlestrarskólans athygli þá hefur þú án efa sýnt fjölmörgum námstækninámskeiðum áhuga, og án nokkurs vafa setið nokkur þeirra. Ekki satt? En hvað svo? Hvað gerðist í náminu eftir að þú sast námskeiðið?
Vonsvikni vegna námskeiða
Í langflestum tilfellum breytist eitthvað til batnaðar hjá okkur. Við lærum eitthvað sem við sjáum strax hag af að nýta okkur og það gerir okkur auðveldara um vik að sinna náminu. En það voru án efa þó nokkuð margir þættir sem fjallað var um og okkur fannst spennandi en ekki eins áríðandi að tileinka okkur og því ákváðum við að einbeita okkur að einhverju einu ákveðnum þætti.
Þetta ýtir undir það sem ég nefni vonsvikni vegna námskeiða - því við náum sjaldan að breyta öllum þáttum eða tileinka okkur alla þætti sem námskeiðið bendir á þar sem við þurfum meiri tíma og er að mínu mati jafnan þörf á meira aðhaldi eftir námskeið eða helst æviábyrgð námskeiða - líkt og Hraðlestrarskólinn veitir.
|
|
Síðast uppfært: Fimmtudagur, 22. júlí 2010 17:48 |
|
Nánar...
|
|
11 góð ráð til að lesa meira í sumar.. |
|
|
|
|
Skrifað af: Jón Vigfús Bjarnason
|
|
Þriðjudagur, 06. júlí 2010 00:00 |
11 góð ráð til að lesa meira í sumar
 Eitt af því allra skemmtilegasta sem við getum gert á sumrin er að njóta góðra bóka. Það að lesa góða bók í sumarbústaðnum, í útilegunni, í sólbaðinu, á sundlaugarbakkanum, í garðinum eða í raun hvar sem við viljum, leyfa huganum að slaka á og heimsækja ókunn lönd, borgir og fá að njóta lífsreynslu annarra er stórkostleg upplifun. Vandi margra er aftur á móti – tíminn sem það tekur þau að ljúka allsæmilegri bók.
Vandinn hjá okkur liggur í flestum tilfellum í nokkrum þáttum og þá helst gömlum venjum sem halda aftur af okkur, jafnan gamlar kreddur sem lifa enn góðu lífi og síðan einbeitingarleysi okkar sem eykst óðum í ys og þys nútímalífs. Þessum gömlu venjum – langlífu kreddum – ætla ég að gera skil seinna en vil taka einbeitingarleysið fyrir í þessari grein. Enda jafnan mun auðveldara fyrir okkur að takast á við það en margur heldur.
|
|
Síðast uppfært: Þriðjudagur, 06. júlí 2010 14:05 |
|
Nánar...
|
|
Glósur - lykill að meiri kunnáttu og skilningi á lesefni - í vinnu eða námi... |
|
|
|
|
Skrifað af: Jón Vigfús Bjarnason
|
|
Miðvikudagur, 16. september 2009 00:00 |
Glósur - lykill að meiri kunnáttu og skilningi á lesefni - í vinnu eða námi...
Glósuvenjur... markmið
Þ egar við hugum að glósum úr lesefni þurfum við í fyrstu að gera okkur grein fyrir markmiði lesturs, afhverju erum við að lesa bókina, hvaða upplýsingar skipta máli, hvers vegna er verið að leggja áherslu á þetta efni, hvaða lykilhugtök er höfundur/kennari að leggja áherslu á o.s.frv....
- ...Erum við að lesa okkur til skemmtunar?
- - þá þurfum við ekki að hugsa um glósur
- ...Erum við að lesa eitthvað fyrir skólann?
- - þá er mjög mikilvægt að við glósum og skráum hjá okkur aðalatriði og lykilorð.
- ...Erum við að lesa vinnugögn og bækur eða rit er tengjast vinnu?
- - þá er ekki endilega nauðsynlegt að glósa ...en það er nauðsynlegt að merkja við í texta þannig að við festum betur þessa lykilpunkta, lykilatriði í sessi.
Hugarkort eru mjög markviss leið að festa glósur, minnisatriði í sessi - t.d. með því að nota iMindMap í tölvunni
|
|
Síðast uppfært: Miðvikudagur, 16. september 2009 14:04 |
|
Nánar...
|
|
Reglur Dale Carnegie um lestur þungra bóka - regla 4 |
|
|
|
|
Skrifað af: Jón Vigfús Bjarnason
|
|
Þriðjudagur, 15. september 2009 00:00 |
Reglur Dale Carnegie um lestur þungra bóka - regla 4
Regla 4: Merktu við mikilvæg atriði.
R egla númer 4 hjá Dale Carnegie sem hann setur fram í bókinni "How to Stop Worrying and Start Living " er sú að ef þú ætlar af alvöru að þekkja efni kaflans þá þarftu að merka við mikilvæga punkta strax og þú lest. Vera með liti, penna eða blýant og merkja við. Merkja við orðið sjálft, merkja við setningu, merkja við línu en umfram allt að merkja við í textann. Textinn verði þannig auðveldari viðfangs þegar þú ætlar að rifja upp eða glósa eftir lestur.
Eitt af því sem við kennum hjá Hraðlestrarskólanum er hve mikilvægt það er að merkja við í texta til að undirbúa glósur á eftir lesturinn eða upprifjun úr bók seinna, t.d. vegna starfs.
Markmiðið með því að merkja við textann okkar er að gera okkur kleift að halda lestri áfram án þess að finna fyrir óöryggi gagnvart því að við séum hugsanlega að gleyma mikilvægum atriðum.
Dæmi:
Þegar þú ert í kennslustund hjá kennara þá bíður þú ekki með það þar til í lok tímans að glósa úr efni kennarans, heldur gerir þú það strax. Ef þú myndir bíða þar til í lok tímans væri drjúgur hluti af þessu efni gleymdur.
Við lestur:
Það sama hefur þú í huga þegar þú ert að lesa. Þú þarft að merkja við strax. Ef þú bíður með þetta þangað til að þú ert búinn að lesa kaflann gætu mikið af aðalatriðum hafa farist fyrir og gleymst.
|
|
Síðast uppfært: Þriðjudagur, 15. september 2009 17:02 |
|
Nánar...
|
|
|
|
|
<< Fyrsta < Fyrri 1 2 Næsta > Síðasta >>
|
|
Síða 1 af 2 |
